İsrail ordusu İran ərazisindən buraxılan raketləri qeydə alıb. Bu barədə İsrail Müdafiə Qüvvələrinin mətbuat xidməti məlumat yayıb.
Bildirilir ki, İsrailin şimal rayonlarında, o cümlədən Hayfa ətrafında hava həyəcanı elan edilib. Hava hücumundan müdafiə sistemləri işə düşüb.
İsrail ordusu İran raketlərinin hamısının ələ keçirildiyini açıqlayıb. Lakin yeni raket buraxılışları da qeydə alınıb.
İsrailin "Kan" teleradio şirkəti hökumət mənbələrinə istinadən xəbər verir ki, Təl-Əviv hücuma cavab verməyə hazırlaşır. İsrail rəsmiləri "İranın raket atəşinə cavab verəcəyik" deyiblər.
İran tərəfi hücumun xəbərdarlıq olduğunu bildirib. Ali rəhbərin hərbi müşaviri Möhsün Rzai deyib: "Raket zərbələri İsrailin Livana hücumlarını dayandırması üçün xəbərdarlıqdır."
İran Silahlı Qüvvələrinin komandanı Əli Abdullahi İsraili Livanın cənubuna və Beyrutun Dahiyə bölgəsinə zərbələri dayandırmağa çağırıb. O qeyd edib ki, İran daha güclü cavab verməyə hazırdır.
