İranın sabiq dini lideri Əli Xamenei üçün vida mərasimi Tehranın mərkəzində başlayıb.
"Tasnim" agentliyinin məlumatına görə, mərasim İslam inqilabının lideri ayətullah Ruhullah Xomeyni adına Mosalla ibadət kompleksində keçirilir.
XİN mətbuat katibi İsmayıl Bəqai bildirib ki, mərasimə 8 dövlət başçısı və 12 parlament rəhbəri qatılacaq. Artıq İraq Kürdüstanının rəhbəri Nəçirvan Bərzani, Ermənistan baş naziri Nikol Paşinyan və Türkmənistan Xalq Məsləhətinin sədri Qurbanqulu Berdiməhəmmədov Tehranadır.
100-ə yaxın ölkə rəsmi nümayəndə heyətləri, ictimai xadimlər və qruplar göndərib. Qonşu dövlətlərin yüksək səviyyəli heyətləri də tədbirdə iştirak edir.
Ali Rəhbər Ayətullah Seyid Müctəba Xamenei təhlükəsizlik səbəbindən atasının dəfn mərasiminə qatılmayacaq.
Qətər, Livan, Suriya, Venesuela, Belarus, KXDR-dən də nümayəndə heyətləri gözlənilir. HƏMAS, "Hizbullah", Yəmən husiləri və İraq şiə qruplaşmalarının nümayəndələri də iştirak edəcək.
Qeyd edək ki, Əli Xamenei fevralın 28-də ABŞ və İsrailin birgə hücumu nəticəsində ailəsi ilə birlikdə həlak olub. Cənazəsi iyulun 9-da Məşhəddə İmam Rza türbəsində dəfn olunacaq.
Azərbaycan nümayəndə heyətinə Milli Məclisin sədri Sahibə Qafarova, baş nazirin müavini Şahin Mustafayev, Naxçıvan MR baş naziri Cabbar Musayev daxildir.
