İran rəhbərliyi ABŞ ilə danışıqlara başlamaq üçün beş şərt irəli sürüb. Bu şərtlər yerinə yetirilmədən dialoq mümkün deyil.
"Fars" agentliyinin məlumatına görə, tələblərə Livan da daxil olmaqla bütün cəbhələrdə atəşkəs, sanksiyaların ləğvi, dondurulmuş aktivlərin azad edilməsi, müharibə ziyanının kompensasiyası və Hörmüz boğazında İranın suveren hüquqlarının tanınması daxildir.
Tehran Pakistan vasitəsilə Vaşinqtona mesaj göndərib: Dəniz blokadası danışıqlara inamı azaldır.
Xatırladaq ki, fevralın 28-də İsrail İrana hücum edib, Tramp ABŞ-ın iştirakını təsdiqləyib. İran cavab olaraq İsrailə raketlər atıb. Martın 1-də Xameneinin öldüyü bildirilib. Aprelin 8-də Tramp atəşkəs elan edib, lakin sonrakı görüş baş tutmayıb.
