İspaniyanın Almeriya əyalətində dəhşətli bir ailə faciəsi yaşanıb. Mayın 18-i saat 23:00 radələrində El Ejido bələdiyyəsinin Balanegra yaxınlığındakı El Canalillo məhəlləsində baş verən hadisədə iki nəfər ölüb, dörd nəfər yaralanıb.
Polis əməkdaşları avtomobildə bir kişi və bir qadının meyitini aşkarlayıb. Araşdırmalar zamanı güllələnən şəxslərin cinayəti törədənin öz ata və anası olduğu müəyyən edilib.
Silahlı şəxs daha dörd qohumunu yaralayıb. Yaralılar arasında cinayətkarın yeddiaylıq körpəsi (vəziyyəti ağırdır), iki yaşlı uşaq, ağır vəziyyətdə olan bir qadın və 60 yaşlı kişi var. Hamısı xəstəxanaya yerləşdirilib.
Şübhəli şəxs saxlanılaraq həbs edilib. Faktla bağlı istintaq davam edir.
