İspaniyada Roma Papası XIV Leonun rəhbərlik etdiyi messaya təxminən 1.2 milyon insan toplaşıb. Tədbir paytaxt Madridin Sibeles meydanı ətrafında baş tutub.
Oxu.Az xəbər verir ki, bu məlumat "Reuters" agentliyinin mərasim təşkilatçılarına istinadən yayılıb.
Bu hadisə pontifikin İspaniyaya birhəftəlik səfərinin ən kütləvi tədbiri olub. Papa XIV Leonun iyunun 6-dan 12-nə qədər davam edən səyahəti İtaliyadan kənarda Avropa İttifaqı ölkəsinə ilk səfəridir.
Səfər şənbə günü miqrantlar və evsizlərlə görüşlər, həmçinin 600 min gəncin iştirak etdiyi gecə ibadəti ilə başlayıb.
Pontifik Barselona və Kanar adalarına səfər edəcək, orada Qərbi Afrikadan gələn miqrantlarla görüşəcək. Messa zamanı Papa dünya liderlərini cəmiyyəti parçalamamağa və hər kəsə hörmətlə yanaşmağa çağırıb.
