İsrailin "Esh-Tech" şirkəti hava hücumundan müdafiə sahəsində yeni "DroneLight" lazer qurğusunu təqdim edib.
Sistem impuls prinsipi ilə işləyir. Lazer şüası hər hədəf üzərində uzun müddət saxlanılmır. Bu, çoxsaylı obyektləri sürətlə məhv etməyə imkan verir.
"DroneLight" qısa və fokuslanmış impulslar göndərir. Bir PUA-nın zərərsizləşdirilməsi cəmi 1-2 saniyə çəkir. Sistem 60 saniyə ərzində 30-dan çox hava hədəfini sıradan çıxara bilir.
Qurğunun digər üstünlüyü əlavə impulslar göndərməsidir. Bu, hədəfin tam məhv edilməsini təmin edir. Sistem bir hədəfdən digərinə dərhal keçir.
"DroneLight"ın təsir radiusu təxminən 1 kilometrdir. Qurğu radar, akustik və optik sensorlarla inteqrasiya olunur. Enerji sərfiyyatı 4 kilovatdan artıq deyil.
