İstanbulda gəzinti üçün Belqrad meşəsinə gedən və günlər sonra sağ tapılan, lakin xəstəxanada həyatını itirən 36 yaşlı memar Ece Gürelin ölüm səbəbi açıqlanıb.
Oxu.Az "Haber Global"a istinadən xəbər verir ki, 2 mart 2025-ci ildə itkin düşdükdən dörd gün sonra tapılan qadının ölümü ilə bağlı müxtəlif versiyalar irəli sürülürdü. İlkin hüquqi araşdırma başa çatıb.
Məlum olub ki, Ece Gürel soyuğa məruz qalma (hipotermiya) və bundan qaynaqlanan kəskin böyrək çatışmazlığı nəticəsində ölüb. Bədənində dərman izləri olsa da, zəhərlənmə və ya başqa səbəbdən öldüyünü göstərən dəlil yoxdur. Cinayət işi açılması üçün əsas olmadığı qərarı verilib.
Meşəyə tək gedən Ece yol azıb. O, meşəçilik fakültəsi məzunu idi və bölgəni yaxşı tanıyırdı. Yoldaşı ilə səs rituallarına qatıldığı, numerologiya, astrologiya, Tarotla maraqlandığı, hətta "Instagram"da "Tarotun Ecesi" hesabı olduğu üzə çıxıb. Həmçinin iş yerində zorakılığa məruz qaldığı iddia edilir.
