İsveç parlamenti yaxın qohumlar arasında nikahı qadağan edən qanunu yekdilliklə qəbul edib.
“Sweden Herald”a istinadən verilən məlumata görə, 1 iyul 2026-cı ildən etibarən əmioğlu-bibiqızı və digər yaxın qohumlar arasında nikahlar qadağan ediləcək.
Qadağa doğma, ögey qardaş-bacı və övladlığa götürmə nəticəsində yaranan qohumluqları da əhatə edir.
İsveç xaricdə bağlanmış belə nikahları da tanımayacaq.
Qeyd edək ki, əmioğlu-bibiqızı nikahları İsveçdə XVII əsrdən icazəli idi, lakin nadir hallarda baş verirdi. Ölkədə bu cür nikahdan yaranmış təxminən 140-150 ailə var.
Hakimiyyət bu addımı miqrant axını fonunda məcburi nikahların qarşısını almaqla izah edir.
