İsveçdə 200-dən çox şirkət məşhur "Rəqs edən kaktus" oyuncağını satışdan geri çağırır. Oxu.Az xəbər verir ki, bu barədə "Sweden Herald" nəşri İsveç İstehlakçı Hüquqlarının Müdafiəsi Agentliyinə istinadən məlumat yayıb.
Məlumata əsasən, oyuncağın plastik gözləri kimi kiçik hissələrinin asanlıqla qopa biləcəyi müəyyən edilib. Agentliyin xəbərdarlığında bildirilir ki, həmin kiçik hissələr azyaşlı uşaqların tənəffüs yollarına düşərsə, boğulma təhlükəsi yarada bilər.
Sözügedən oyuncaqlar 2022-2026-cı illərdə "Lekia", "Gekas" və "World of Toys" kimi tanınmış mağazalar şəbəkələrində satılıb. Qurum istehlakçıları bu oyuncağın istifadəsini dərhal dayandırmağa və məhsulu aldıqları ticarət nöqtələrinə qaytarmağa çağırıb.
