ABŞ-ın Kaliforniya ştatında meşə yanğınları geniş əraziyə yayılaraq evlərə yön alıb. On minlərlə sakin təxliyə edilib.
Oxu.Az xəbər verir ki, bu barədə "NBC News" məlumat yayıb. Los-Ancelesdən 50 km aralıdakı Santa Susana və Simi Vadisi bölgələrində sakinlər ciddi risk altındadır.
Yanğından Mühafizə Xidmətinin məlumatına görə, alov ən azı bir evə ziyan vurub. Xəsarət alanlar barədə məlumat yoxdur.
Ən geniş yanğın ocağı təxminən 6 min hektar ərazini əhatə edir. Söndürmə işlərinə xüsusi təyyarələr cəlb olunub. Yüksək temperatur və güclü külək yanğının yayılmasına səbəb olur.
