Rusiya Dövlət Dumasının keçmiş deputatı Maqomed Hacıyev ömürlük həbs cəzasına məhkum edilib.
Dağıstan Ali Məhkəməsinin hökmünə əsasən, Hacıyev iki nəfərin qətlinin təşkilində və külli miqdarda əmlakı hədə-qorxu ilə tələb etmədə təqsirli bilinib.
Məhkəmə qərara alıb ki, 2011-ci ildə Hacıyev İlahiyyat İnstitutunun rektoru Maqsud Sadıkovun qətlini təşkil edib. Rektor və qardaşı oğlu evlərinin həyətində güllələnib.
Bundan başqa, Hacıyev qardaşları "Sudoremont" QSC-nin səhmlərini zorla ələ keçiriblər. Ziyan 93 milyon rubldan çox dəyərləndirilir.
Maqomed Hacıyev qiyabi olaraq xüsusi rejimli koloniyada cəza çəkməklə ömürlük həbsə, həmçinin 900 min rubl cəriməyə məhkum edilib.
Onun qardaşı Əhməd Hacıyev isə 10 il həbs və 900 min rubl cərimə alıb.
