Kiprdə Böyük Britaniyaya məxsus hərbi baza yaxınlığında iki uşaq avtomobildə cansız tapılıb. Hadisə Akrotiri və Dekeliya bazalarının yurisdiksiyasında olan Ksilafaqu kəndində baş verib.
Oxu.Az xəbər verir ki, uşaqların cəsədləri bağlı avtomobildə aşkarlanıb. Britaniya polisi ərazidə araşdırma aparır.
İlkin ehtimala görə, uşaqlar havasızlıqdan boğulub. Günəş şüalarının təsirindən yanıq xəsarətləri də müşahidə olunub. Dəqiq səbəb məhkəmə-tibbi ekspertizası ilə müəyyən ediləcək.
Məlumata görə, uşaqların valideynləri Balkan ölkələrindən birinin vətəndaşıdır. Ölən uşaqlar 8 və 10 yaşında olub.
