Mayın 24-ü gecə Ukrayna paytaxtı Kiyev yenidən kütləvi raket və dron hücumlarına məruz qalıb.
Mərkəz və ətraf rayonlar, xüsusən Şevçenko rayonundakı "Lukyanovka" bazarı ciddi dağıntılara uğrayıb. Ukrayna Baş Qərargahı bildirib ki, Rusiya 90 ballistik raket və 600 dron buraxıb.
Raketlərin çoxu vurulsa da, bəziləri hədəflərə çatıb. Nəticədə Azərbaycan səfirliyinə də ziyan dəyib.
Bir sakin deyir: "Zərbə o qədər güclü idi ki, zirzəmidə belə silkələndik. Səhərə qədər sığınacaqda qaldıq."
Digər sakin isə bildirib: "Saat üçdən raketlər uçmağa başladı. Gecə çox ağır keçdi. Bazara bir neçə raket düşdü, qorxulu idi."
