Konqo Demokratik Respublikasında Ebola virusunun ilk qeydə alınan halları yerli sakinlər tərəfindən "lənət" və ya "mistik xəstəlik" kimi qəbul edilib.
Oxu.Az xəbər verir ki, bu barədə "Africanews" məlumat yayıb.
İlkin ölüm halları İturi vilayətində, Monqbvalu mədən bölgəsində qeydə alınıb. Sakinlər xəstəliyi tibbi problem deyil, sehr və cadugərliklə əlaqələndiriblər.
Səhiyyə rəsmiləri bildirir ki, bu inanc səbəbindən insanlar tibbi yardıma gec müraciət edib, ənənəvi loğmanlara üz tutublar.
Nəticədə virus sürətlə yayılıb. Rəsmilərə görə, anlaşılmazlıq aradan qalxana qədər 246 şübhəli yoluxma və 65 ölüm qeydə alınıb.
Ölkənin Səhiyyə Nazirliyi epidemiyanın mənbəyinin hələ dəqiq müəyyən edilmədiyini bildirib.
