Konqo Demokratik Respublikasının (KDR) şərqindəki Rvampar şəhərində yerli sakinlər Ebola xəstələrinin müalicə aldığı mərkəzi yandırıblar.
"Associated Press" agentliyinin məlumatına görə, mobil hospital xəstəlikdən ölən şəxsin cəsədinin qaytarılmasından imtina edilməsinə qəzəblənən qohumlar tərəfindən atəşə tutulub.
İturi əyaləti Ebola virusunun yeni ştammının yayılma mərkəzinə çevrilib. Ölənlərin cəsədlərinin infeksiya mənbəyi olma ehtimalı səbəbindən tətbiq edilən dəfn qaydaları yerli adətlərlə ziddiyyət təşkil edir.
KDR rəhbərliyinin məlumatına görə, epidemiya başlayandan bəri ən azı 160 nəfər həyatını itirib. İki əyalətdə 671 şübhəli yoluxma halı qeydə alınıb. BMT-nin məlumatına görə, qonşu Uqandada bir nəfər ölüb, daha bir nəfər xəstələnib.
