ÜST-nin məlumatına görə, Konqo Demokratik Respublikasında və Uqandada Ebola virusu sürətlə yayılır. Rəsmi təsdiqlənmiş 32 yoluxma, 500-dən çox şübhəli hal və 130 ölüm qeydə alınıb.
ÜST baş direktoru Tedros Adhanom Qebreyesus Cenevrədə keçirilən Ümumdünya Səhiyyə Assambleyasında bildirib ki, KDR-in İturi əyalətində 30 nəfərin virusa yoluxduğu təsdiqlənib. Uqandada isə paytaxt Kampalada iki xəstələnmə faktı qeydə alınıb, onlardan biri ölümlə nəticələnib.
KDR hökumətinin sözçüsü Patrik Muyaiya bildirib ki, Şimali Kivu və İturi əyalətlərində 435 nəfərdə yoluxma şübhəsi var. O, əhalini qoruyucu qaydalara əməl etməyə çağırıb.
Qeyd edək ki, Ebola virusunun "Bundibugyo" ştammı mayın 14-də aşkarlanıb və ÜST mayın 17-də epidemiyanı qlobal fövqəladə vəziyyət elan edib.
