Konqo Demokratik Respublikasının İturi əyalətində Ebola qızdırması simptomları olan beş məhbus nəzarətdən qaçıb.
"Okapi" radiostansiyası mənbələrə istinadən xəbər verir ki, ötən həftənin sonunda Buniya mərkəzi həbsxanasının beş məhbusunda virusun simptomları aşkar edilib. Səhiyyə orqanları infeksiyanın yayılmasının qarşısını almaq üçün onların köçürülməsinə göstəriş verib: ikisi Buniya xəstəxanasına, üçü isə Tvamparada müalicə mərkəzinə göndərilib.
Polis yoluxmaqdan qorxduğu üçün mühafizə təyin etməyib. Bu, mayın 30-31 keçən gecə iki məhbusun qaçmasına imkan verib. İyunun 1-i səhər Tvamparadakı digər üç məhbus onlara qoşulub.
Yerli orqanlar qaçan şəxslərin axtarışı ilə məşğuldur. Konqo DR Səhiyyə Nazirliyinin məlumatına görə, ölkədə 363 Ebola hadisəsi təsdiqlənib, 116 nəfər karantindədir, 62 nəfər həyatını itirib.
