Konqo Demokratik Respublikasında Ebola qızdırması laborator təsdiqlənmiş ölüm hallarının sayı 101-ə çatıb. Səhiyyə Nazirliyi yeni rəqəmləri açıqlayıb.
Epidemiyadan virusa yoluxanların ümumi sayı 550 nəfərə yüksəlib. Bir gün əvvəl 91 ölüm və 515 yoluxma qeydə alınmışdı.
Ölkəyə xarici mütəxəssislər cəlb olunur. Çindən bir qrup tibb mütəxəssisi paytaxt Kinşasaya çatıb. Rabitə və Media Naziri Patrik Muyayya Katembwe, missiyanın üç ay davam edəcəyini bildirib.
Ebola epidemiyası ötən ay Konqo və Uqandada başlayıb. Mütəxəssislər bu epidemiya daha geniş miqyaslı ola biləcəyi ilə bağlı xəbərdarlıq edirlər.
