Kubanın Böyük Britaniyadakı səfiri İsmara Varqas Uolter ABŞ-nin sanksiyalarını "genişmiqyaslı iqtisadi müharibə" adlandırıb.
Oxu.Az xəbər verir ki, bu barədə səfir TASS-a açıqlamasında bildirib.
"Vaşinqtonun siyasəti adi diplomatik təzyiq deyil. Bu, onilliklər boyu hazırlanan tam iqtisadi müharibədir. İdeoloji kökləri 1960-cı ildə Lester Mellori tərəfindən yazılmış məxfi nota ilə bağlıdır", - deyə səfir qeyd edib.
Onun sözlərinə görə, ABŞ sanksiyaları Kuba əhalisi üçün dağıdıcı nəticələrə səbəb olur. Neft ehtiyatlarının tükənməsi səbəbindən milli elektrik şəbəkəsi çöküb, gündə 22 saata qədər elektrik enerjisinin kəsilməsi ilə xəstəxanalar, kənd təsərrüfatı və nəqliyyat iflic vəziyyətinə düşüb.
