Kontakt linzalarla gölməçələrdə və durğun su hövzələrində çimmək göz sağlamlığı üçün ciddi təhlükə yaradır.
Rusiyalı oftalmoloq Aleksey Yeqorov 360.ru nəşrinə bildirib ki, durğun sularda akantameba adlı gözü təhlükəyə atan mikroorqanizm linzanın altına daxil olaraq çoxalır.
Bu mikroorqanizm "akantameba keratit" adlı çətin müalicə olunan xəstəliyə səbəb olur.
Həkim çimmək üçün linzasız olmağı və ya çimdikdən sonra linzaları çıxarıb gözləri antiseptik məhlulla yaxalamağı tövsiyə edir.
Yeqorov qeyd edir ki, qaydalara riayət olunarsa, kontakt linzalar təhlükəsizdir. Lakin göz iltihabı və ya buynuz qişa zədəsi zamanı linzalar qəti qadağandır.
