Polis 2017-ci ildə Londonda bir qadını avtobusun altına itələməkdə şübhəli bilinən şəxsi saxlayıb. Hadisə Patni rayonunda baş verib.
Daily Mail-in məlumatına görə, 33 yaşlı qadın avtobusun təkərləri altına itələnib. Sürücünün sürətli reaksiyası sayəsində o, sağ qalıb. Hadisə kameralara düşsə də, polis şübhəlini uzun müddət tapa bilməyib.
Şübhəli iyunun 15-də Qərbi Londondakı 1.4 milyon funt-sterlinq dəyərində evində saxlanılıb. 44 yaşlı şəxs özəl bankın direktoru və keçmiş ordu zabitidir.
O, Avropa kral ailələri, o cümlədən Vindzorlarla qohumluq əlaqələrinə malikdir. Hərbi münaqişələrdə iştirak edib və mükafatlar alıb.
