Böyük Britaniya hökumətinin Londonda dünyanın sonu üçün gizli bunkeri var. "Pindar" adlanan bu obyekt Müdafiə Nazirliyinin altında, 60 metr dərinlikdə yerləşir.
Bunker 1992-ci ildə tikilib və 400 çarpayıya malikdir. Yalnız nazirlər, yüksək rütbəli hərbçilər və dövlət qulluqçuları daxil ola bilər. Baş nazir ailəsi üçün ayrıca yer ayrılıb.
Fotoqraf Deviz Mur bədii layihə çərçivəsində bunkerin daxilini çəkib və fotoları yayımlayıb. Bunker daim hazırlıq rejimindədir, yeməkxana və brifinq otaqları var.
"Pindar" nüvə zərbəsi zamanı təcrid oluna bilir, öz havalandırma sistemi var. Tikintisi 10 il çəkib və 126 milyon 300 min funt sterlinqə başa gəlib.
Bunker Dauninq-strit 10 və Nazirlər Kabineti ilə gizli tunellərlə əlaqəlidir. Təhlükə anında bir neçə dəqiqə ərzində bunkerə daxil olmaq mümkündür.
