Fransa Mədəniyyət Nazirliyinin təhlükəsizlik xidmətləri Luvrun zəif cəhətlərini bilsə də, oğurluqdan əvvəl heç bir yoxlama aparmayıb. Bu, parlament komissiyasının hesabatında bildirilir.
Oxu.Az xəbər verir ki, sənəd dünyanın ən böyük muzeyində 2025-ci ilin payızında baş verən soyğunçuluqdan sonra hazırlanıb. Təhlükəsizlik, mühafizə və audit xidməti oktyabrın 19-dakı oğurluğa qədər yoxlama keçirməyib.
Cinayətkarlar muzey açıldıqdan sonra içəri girərək doqquz zərgərlik məmulatını - tiaralar, sırğalar, boyunbağılar və sancaqları oğurlayıblar. Zərər 88 milyon avro dəyərində qiymətləndirilir.
Bir neçə nəfər saxlanılıb, beş nəfər ittiham olunub, lakin oğurlanan əşyalar hələ də tapılmayıb.
