İspaniyanın məşhur "Mango" geyim brendinin qurucusu İsak Andiçin oğlu Conatan Andiç saxlanılıb. O, atasının ölümündə şübhəli bilinir.
Kataloniya polisi Conatan Andiçə qarşı qətl ittihamı irəli sürüb. Conatan iddia edir ki, atasının ölümü bədbəxt hadisədir.
İsak Andiç 2024-cü ilin dekabrında dağda yıxılaraq ölmüşdü. İlkin araşdırmada cinayət elementi tapılmasa da, oğlunun ifadəsindəki ziddiyyətlər səbəbindən iş yenidən açılıb.
"Mango" 1984-cü ildə türk əsilli iş adamı tərəfindən qurulub. Şirkətin 2900 mağazası var və 2024-cü ildə satış həcmi 3.3 milyard avronu ötüb.
