Rusiyanın paytaxtı Moskvada hərbi məhkəmə RT telekanalının baş redaktoru, jurnalist Marqarita Simonyana sui-qəsd cəhdi işi üzrə 12 nəfəri 20 ilədək azadlıqdan məhrum edib.
Oxu.Az xəbər verir ki, bu barədə "İnterfaks" məlumat yayıb. Məhkəmənin mətbuat xidmətinin RBK-ya verdiyi məlumata görə, əsas təqsirləndirilən şəxs Mixail Balaşov 20 il müddətinə azadlıqdan məhrum edilib.
Ona həmçinin 800 min rubl (təxminən 17 680 manat) cərimə və iki il internet resurslarının idarə olunması qadağası tətbiq olunub. Digər təqsirləndirilən şəxslər 18 ilədək həbs cəzası və cərimələr alıblar.
Məhkumlar neonasist "National-Socialism / White Power" qruplaşmasının üzvləri kimi tanınıblar. İstintaqa görə, 2023-cü ildə Balaşova Simonyanı öldürmək təklif edilib, jurnalist izlənilib və silah götürməyə cəhd zamanı saxlanılıblar.
