Rusiya Təhlükəsizlik Şurasının sədr müavini Dmitri Medvedev Ermənistanın baş naziri Nikol Paşinyanın qaz qiymətləri səbəbindən postunu itirə biləcəyini bildirib.
Medvedev özünün "Max" kanalında yazıb: "İki stul arasında oturmağa çalışanlar ağrılı şəkildə yerə yıxılmaq riski ilə üzləşirlər. Görünür, Nikol ləqəbli bir adam yaxın gələcəkdə məhz bunu etməyi planlaşdırır."
O, qeyd edib ki, Ermənistan həm Avrasiya İqtisadi İttifaqında qalmaq, həm də Avropa İttifaqı ilə yaxınlaşmaq istəyir. Medvedev vurğulayıb ki, bu siyasət uğursuzluğa məhkumdur.
"Ermənistan Rusiyadan 177,5 dollar/1000 m³ qaz alır, Avropada isə qiymət 570-590 dollar təşkil edir. Avropa qiymətlərinə keçid olarsa, erməni xalqı Paşinyanı qova bilər" deyə Medvedev bildirib.
