Mərakeşdə "Afrika şiri" hərbi təlimi zamanı itkin düşən ikinci ABŞ hərbçisinin meyiti tapılıb.
Oxu.Az-ın məlumatına görə, xilasetmə qrupları ölkənin cənub-qərbindəki Kap-Draa rayonunda axtarışları başa çatdırıb.
Ordu açıqlamasında axtarışlara ABŞ ilə koordinasiyalı şəkildə quru və dəniz bölmələrinin cəlb edildiyi bildirilib.
Meyiti tapılan hərbçinin adı və rütbəsi açıqlanmır.
Mayın 11-də ilk itkin hərbçinin meyiti aşkarlanmışdı. Hər iki hərbçi sonuncu dəfə Kap-Draadakı sahil qayalığında görünüb, onların okeana düşdüyü ehtimal edilir.
