Almaniya kansleri Fridrix Mertsin fəaliyyətindən narazılıq rekord həddə çatıb.
Oxu.Az-ın məlumatına görə, INSA sosioloji institutunun "Bild" qəzeti üçün keçirdiyi sorğu bunu göstərir.
Nəticələrə əsasən, respondentlərin yalnız 15%-i Mertsin işini müsbət qiymətləndirib. Bu, onun üçün ən aşağı göstəricidir. Aprel sonu ilə müqayisədə dəstək 4 faiz bəndi azalıb.
Eyni zamanda, 77% narazı olduğunu bildirib ki, bu da əvvəlkindən 6 faiz bəndi çoxdur. 8% cavab verməkdə çətinlik çəkib.
Mertsin rəhbərlik etdiyi hökumətin fəaliyyətindən yalnız 16% razı qalıb, 78% isə mənfi qiymətləndirib.
Sorğuda 1005 nəfər iştirak edib və iyunun 4-5-də keçirilib.
Nəticələr göstərir ki, narazılıq hakim koalisiyanın (CDU/CSU və SPD) seçiciləri arasında da artır.
INSA rəhbəri Herman Binkert deyib: "Öz seçicilərini belə inandıra bilməyən hökumət uğursuzluğa məhkumdur. Narazılıq ikinci il üçün adi həddi xeyli üstələyir."
