Fransalı milyarder Pyer-Eduar Steren beş övladının 1.4 milyard avroluq sərvətindən bir sent belə almaması üçün Fransa varislik qanunlarını dəyişdirməyə çalışır.
Oxu.Az xəbər verir ki, "Smartbox" şirkəti ilə varlanan 52 yaşlı iş adamı Belçikada yaşayır. Fransa Senatındakı çıxışında mirasın uşaqları korladığını deyib.
"Mən övladlarımı məhv etmək istəmirəm. Onlara bir sent də vermək niyyətində deyiləm. Əsl azadlıq həyata sıfırdan başlamaqdır" - deyə o bildirib.
Lakin Fransa qanunları uşaqları mirasdan məhrum etməyə imkan vermir. Napoleon Məcəlləsinə görə, üç və daha çox uşağı olan şəxsin sərvətinin ən azı 75%-i uşaqlara çatmalıdır.
Steren bu qanunu şəxsi azadlığın məhdudlaşdırılması kimi qiymətləndirir və pulları üzərində tam sərəncam vermək istəyir.
