İtaliyanın Modena şəhərində sürücünün avtomobili piyadaların üzərinə sürməsi nəticəsində terror həyəcanı yaşanıb.
Baş nazir Corcia Meloni bu hadisə ilə əlaqədar Kiprə işgüzar səfərini dayandıraraq geri qayıdıb.
Məlumata görə, hadisəni törədən şəxs 31 yaşlı Salim əl-Qudridir. O, əslən Mərakeşdən olub, İtaliyada doğulub. Psixi pozuntudan əziyyət çəkdiyi üçün qeydiyyatda olub, lakin son vaxtlar müalicə almayıb.
Hadisə nəticəsində 7 nəfər xəsarət alıb, ikisinin ayaqları amputasiya edilib. Cinayətkar yoldan keçənlər tərəfindən saxlanılıb, üzərindən bıçaq tapılıb.
İstintaq terror versiyasını əsas götürməsə də, şübhəlilərin bütün əlaqələri araşdırılır. Ona qarşı adam öldürməyə cəhd, çox sayda insana xəsarət yetirmə və soyuq silah saxlama maddələri ilə ittiham irəli sürülüb.
