Amerikalı videobloqer Cimmi Donaldson, "MrBeast" adı ilə tanınır, YouTube-da tarixi bir rekorda imza atıb.
O, platformanın 500 milyon abunəçi toplayan ilk yutuberi olub.
"MrBeast" kanalı 2012-ci ilin fevralında yaranıb. Əvvəlcə oyun videoları çəkən Donaldson, sonra böyük büdcəli çəllenc və xeyriyyə layihələrinə yönəlib.
Onun ən məşhur videosu "Kalmar oyunu real həyatda" 1 milyard baxış toplayıb. İlk viral uğuru isə 2017-ci ildə 10 minə qədər saydığı video olub.
Hazırda MrBeast həm də sahibkardır - "MrBeast Burger" restoran şəbəkəsi və "Feastables" şirniyyat brendinin sahibidir.
