Şimali Atlantika Alyansı (NATO), Avropadan çıxarılması planlaşdırılan ABŞ hərbçi və texnikasını əvəzləmək üçün axtarışa başlayıb.
Oxu.Az xəbər verir ki, bu barədə "Politico" nəşri məlumat yayıb. Bildirilib ki, NATO-nun Avropadakı birləşmiş qüvvələrinin baş komandanı Aleksus Qrinkeviçə bu məsələnin həlli tapşırılıb.
Vaşinqton Almaniyadan 5 min hərbçisini çıxarmağı planlaşdırır. Mənbələrə görə, bu qərar ABŞ-nin Almaniyadakı hərbi mövcudluğunun azaldılmasına yönəlib. Polşaya göndərilməli olan diviziyanın bir hissəsi Almaniyadakılarla əvəz edilə bilər.
Əvəzləmə qərarlarının NATO-nun növbəti dördillik müdafiə planı çərçivəsində, yoxsa daha qısa müddətdə qəbul ediləcəyi hələ məlum deyil.
