Qlobal bazarda neftin qiyməti ucuzlaşıb. "Brent" markalı neftin füçersləri 2.07% azalaraq 109.78 dollara düşüb.
"İnterfaks" agentliyinin məlumatına görə, London ICE birjasında iyul ayına çatdırılma ilə "Brent" nefti 2.32 dollar ucuzlaşıb. Əvvəlki sessiyada isə 2.84 dollar bahalaşma qeydə alınmışdı.
Nyu-York Ticarət Birjasında (NYMEX) WTI markalı xam neftin iyun füçersləri 1.54% ucuzlaşaraq 106.99 dollar olub. Ötən sessiyada WTI 3.24 dollar bahalaşmışdı.
Ekspertlər ucuzlaşmanı qlobal tələbin zəifləməsi ilə əlaqələndirirlər.












