Yaxın Şərqdə münaqişənin yenidən kəskinləşməsi fonunda neft ardıcıl bahalaşmalardan sonra ucuzlaşıb.
Oxu.Az xəbər verir ki, bu barədə "İnterfaks" agentliyi məlumat yayıb.
Bakı vaxtı ilə saat 09:04-də Londonun ICE birjasında avqust ayına çatdırılma ilə "Brent" markalı neftin fyüçersləri 0.83 dollar (0.85%) ucuzlaşaraq bir barel üçün 96.98 dollar olub. Əvvəlki sessiyada isə "Brent" markalı neft 1.81 dollar (1.89%) bahalaşaraq bir barel üçün 97.81 dollar təşkil etmişdi.
Nyu-York Ticarət Birjasında (NYMEX) iyul ayına çatdırılma ilə WTI markalı xam neftin fyüçerslərinin qiyməti 0.73 dollar (0.76%) azalaraq bir barel üçün 95.29 dollar olub. Əvvəlki sessiyada WTI markalı xam neft 2.26 dollar (2.41%) bahalaşaraq bir barel üçün 96.02 dollara çatmışdı.
