İsrailin Baş naziri Benyamin Netanyahu İsrail Müdafiə Ordusuna (SAXAL) Livandakı quru əməliyyatlarının miqyasını genişləndirmək tapşırıb. O, Hizbullahın keçmiş nəzarətindəki ərazilərdə mövqeləri möhkəmləndirməyi əmr edib.
Bu barədə TASS məlumat yayıb. Netanyahu deyib: "Biz qorxu səddini aşmışıq. Bütün cəbhələrdə - Suriyada, Qəzzada və Livanda fəaliyyət göstəririk".
O, İsrailin sərhədlərindən kənarda təhlükəsizlik zonaları yaratdığını vurğulayıb. Netanyahu qeyd edib ki, son bir ayda Livanda Hizbullahın 700 üzvü zərərsizləşdirilib. 2026-cı ilin fevralında başlayan "Şirin nəriltisi" əməliyyatından bəri bu rəqəm 3 minə çatıb.
