Türkiyənin Niğde vilayətində güclü yağış və dolu fəlakətə səbəb oldu. Sel suları bir nəfərin ölümünə, beş nəfərin isə yaralanmasına yol açdı.
Oxu.Az "TRT Haber"ə istinadən bildirir ki, hadisə Gümüşlər qəsəbəsində baş verib. Leysan nəticəsində üç avtomobil və altı nəfər suya qapılıb. Xilasedicilər onları xilas edərək xəstəxanalara çatdırıb.
Sabiha Dinçer Niğde Ömər Halisdəmir Təhsil və Araşdırma Xəstəxanasına yerləşdirilsə də, həyatını itirib. AFAD, səhiyyə, jandarma və bələdiyyə qrupları xilasetmə işlərini davam etdirir.
Vali Nədim Akmeşe qeyd edib ki, 39 texnika, 13 xüsusi maşın və 216 nəfər şəxsi heyət cəlb olunub. Yaralılardan birinin müalicəsi davam edir, dörd nəfər nəzarət altındadır. Hadisənin səbəbləri araşdırılır.
