Nigeriya ordusu, Borno ştatında terrorçu "Boko Haram" qruplaşması tərəfindən oğurlanmış 360 nəfəri azad edib. Bu barədə "Associated Press" agentliyi məlumat yayıb.
Azad etmə əməliyyatı Mandara dağlarında, silahlıların əsas dayaq məntəqələrindən birində həyata keçirilib. Azad edilənlər arasında qadınlar və uşaqlar da var.
Ordu nümayəndəsi Haruna Sani bildirib ki, əsirlikdə olan iki körpə ağır şərait səbəbindən həyatını itirib. Digər girovlar isə təhlükəsiz ərazilərə təxliyə olunub.
