Norveçdə məhkəmə vəliəhd şahzadənin oğlu Marius Borq Höybini iki zorlama hadisəsində təqsirli bilərək 4 il həbs cəzası verib.
Oxu.Az-ın məlumatına görə, Höybi 40 maddə ilə ittiham olunurdu, lakin məhkəmə onu yalnız iki zorlama, məişət zorakılığı, hədə-qorxu və yol qaydalarını pozmaqda günahkar sayıb.
Yeddi həftə davam edən məhkəmə prosesi Norveç cəmiyyətində böyük əks-səda doğurub. Höybinin narkotik asılılığı və 800-dən çox elektron məktub sübut kimi təqdim edilib.
Hadisələrdən biri kral ailəsinin iqamətgahının zirzəmisində baş verib. Höybi məhkəmə qərarını video bağlantı ilə dinləyib.
Bu hökm kral ailəsindəki çətin vəziyyət fonunda verilib. İyun ayında vəliəhd şahzadə Mette-Marit ağciyər fibrozu səbəbindən transplantasiya gözləmə siyahısına salınıb.
