"The New York Times" (NYT) və müxbiri Julian E. Barnes Pentaqona qarşı iddia qaldırıb. Onlar qurumu mətbuatın çıxışını məhdudlaşdırmaqda ittiham edirlər.
Oxu.Az xəbər verir ki, bu barədə "Kommersant" nəşri yazıb. Şikayət Hərb Nazirliyinə, rəhbər Pit Heqset, müşavir Timoti Parlator və mətbuat katibi Şon Parnelə ünvanlanıb.
Yeni qaydalara əsasən, media işçiləri Pentaqon binasına yalnız nəzarət altında buraxılır. Bu, ABŞ Konstitusiyasının birinci və beşinci düzəlişlərinə ziddir və NYT-yə qarşı qisas məqsədi daşıyır.
Bu, NYT-nin Pentaqona qarşı ikinci şikayətidir. 2025-ci ilin dekabrında da oxşar iddia qaldırılmışdı. O zaman məhkəmə "təhlükəsizlik maraqlarını" əsas gətirərək Pentaqonun xeyrinə qərar vermişdi.
