Hindistanda 26 yaşlı qadın ölmüş elan edildi, atası və qardaşı qətlə görə həbs olundu, lakin qadın sağ idi və özü polisə gəldi.
NDTV kanalının məlumatına görə, Şivani Kalmekar apreldə Madhya-Pradeş ştatında itkin düşdü. Mayın əvvəlində Maharaştra polisi bənd yaxınlığında naməlum qadının başı kəsilmiş və qismən yanmış cəsədini tapdı.
Polis DNT testi etmədən cəsədin Şivaniyə aid olduğuna qərar verdi. Bundan sonra onun atası və qardaşı qətldə şübhəli bilinərək həbs edildi.
Mayın 28-də qadının özünün polis bölməsinə gəlib ifadə verməsi kişiləri həbsdən xilas etdi. Şivani bütün müddət sağ olub və sevgilisi ilə yaşayıb.
"Mən sağam. Hər şey qaydasındadır. Atamı və qardaşımı azadlığa buraxın", - deyə qadın bildirib.
Polis səhlənkarlıqda ittiham olunub və daxili araşdırmaya başlanılıb.
