Böyük Britaniya Krallıq Donanmasının Dəniz Ticarət Əməliyyatları Mərkəzi (UKMTO) Oman sahillərində bir tankerin atəşə tutulduğunu açıqlayıb.
Hadisə zamanı yanacağın bir hissəsi dənizə axıb. Qurumun məlumatına görə, insident Maskat şəhərindən 60 dəniz mili şərqdə baş verib.
Tanker kapitanı gəminin sol bortunun arxa hissəsində, su xəttinə yaxın ərazidə xarici partlayış olduğunu bildirib. Ekipaj və gəmi təhlükəsiz vəziyyətdədir.
UKMTO bölgədən keçən gəmilərə ehtiyatlı olmağı və şübhəli fəaliyyətləri bildirməyi tövsiyə edib. Qeyd edək ki, ABŞ və İsrailin İrana qarşı müharibəsindən sonra Fars körfəzində 25 gəmi hücuma məruz qalıb.
