Pakistanın Baş naziri Şahbaz Şərif İranla ABŞ arasında imzalanan qarşılıqlı anlaşma memorandumu haqqında açıqlama verib.
O, İranın raket proqramının məhdudlaşdırılması məsələsinin sənədə daxil edilmədiyini və müzakirə olunmadığını vurğulayıb.
Bu barədə Oxu.Az TASS-a istinadən məlumat yayıb.
Şərif İslamabadda İran Prezidenti Məsud Pezeşkianla görüşdən sonra bildirib: "Mən tam əminliklə bəyan edirəm ki, memorandumda ballistik raketlərlə bağlı heç bir qeyd yoxdur. Bu məsələ heç vaxt müzakirə edilməyib, gündəlikdə olmayıb və İran tərəfi onu müzakirə etmək istəməyib".
