Pakistan ABŞ və İran arasında imzalanacaq razılaşmada Çinin zəmanətçi olmasını tələb edir. Bu barədə "Al Hadath" telekanalı mənbələrə istinadən xəbər yayıb.
ABŞ-İran danışıqlarında əsas vasitəçi olan Pakistan ordusunun komandanı Asim Munir hazırda Pekindədir. O, Pakistan Baş naziri Şahbaz Şəriflə birlikdə Çinə rəsmi səfər edir. Munir Çin Dövlət Şurasının Baş naziri Li Tsyanla görüşdə iştirak edib.
Xatırladaq ki, fevralın 28-də İsrail müdafiə naziri İsrail Müdafiə Qüvvələrinin İrana hücum etdiyini açıqlayıb. ABŞ Prezidenti Donald Tramp da ABŞ-ın hərbi əməliyyatda iştirak etdiyini bildirib.
İran İsrailə ballistik raketlər atıb. Martın 1-də İranın Ali Lideri Əli Xameneinin öldürüldüyü elan edilib.
İran ABŞ bazaları olan qonşu ölkələri hədəf alıb. Hörmüz boğazında gəmiçilik çətinlikləri yaranıb.
Aprelin 8-də Tramp ikihəftəlik atəşkəs elan edib. Islamabadda ilk görüş keçirilib, lakin aprelin 22-nə planlaşdırılan ikinci görüş baş tutmayıb.
