Pakistan "Fatah-4" yüksəkdəqiqlikli qanadlı raketinin sınaqlarını uğurla başa çatdırıb. Bu barədə Pakistan Silahlı Qüvvələrinin İdarələrarası İctimaiyyətlə Əlaqələr İdarəsi (ISPR) məlumat yayıb.
"Qabaqcıl avionika və müasir naviqasiya sistemləri ilə təchiz edilmiş "Fatah-4" uzaq məsafələrdə yerləşən hədəfləri böyük dəqiqliklə məhv etmək qabiliyyətinə malikdir", - deyə açıqlamada qeyd edilir.
Qeyd edək ki, "Fatah" raketlərinin 120 km və 750 km mənzilli modifikasiyalarının əvvəlki sınaqları 2025-ci ilin may və sentyabr aylarında keçirilib.
