Fransada anomal istilər ölüm hallarının kəskin artmasına səbəb olub. Parisdə morqlar tam dolub, krematoriyalar böyük yüklənmə ilə üzləşib.
"Family Obsèques" dəfn bürosunun direktoru Fabyen Yüge BFMTV-yə bildirib ki, vəziyyət kritikdir. Milli Dəfn Xidmətləri Federasiyasının nümayəndəsi Qotye Katon paytaxtdakı bütün morqların dolu olduğunu təsdiqləyib.
Təkcə iyunun 26-da Parisdə 109 nəfər vəfat edib ki, bu da orta göstəricidən 15 dəfə çoxdur. Xəstəxanalardakı ölümlər daxil deyil.
Kremasiya tarixləri təxirə salınıb, meyitlər digər bölgələrə göndərilir. Fransa 72 departamentdə ən yüksək təhlükə səviyyəsi elan edib. Temperatur 40°C-ni keçib.
Bu vəziyyət koronavirus dövrünü xatırladır. Ekstremal istilər Avropada infrastruktur və səhiyyə sistemlərini sınağa çəkir.
