Ermənistanın baş naziri Nikol Paşinyanın mətbuat xidmətinə 26 yaşlı Melanya Harutyunyan rəhbərlik edəcək.
"Hraparak" qəzeti yazır ki, o, hakim "Vətəndaş Sazişi" partiyasının Gənclər Strukturu Şurasının katibidir.
Harutyunyan Paşinyanı seçkiqabağı kampaniya boyu müşayiət edib.
O, hazırkı mətbuat katibi Nazeli Baqdasaryanı əvəz edəcək. Baqdasaryan isə parlamentdə deputat mandatı qazanacaq.
Qeyd edək ki, Baqdasaryan bu vəzifədə təxminən 4 il çalışıb.
