Ermənistanın baş naziri Nikol Paşinyan, ölkəsinin kənd təsərrüfatı məhsullarının Avropa İttifaqına (Aİ) gömrük rüsumu ödənilmədən ixrac ediləcəyini açıqlayıb.
Oxu.Az-ın məlumatına görə, Paşinyan brifinqdə jurnalistlərə bildirib ki, Avropa Komissiyasının sədri Ursula fon der Lyayen telefon danışığında bu xəbəri çatdırıb.
Paşinyan qeyd edib: “Aİ yeni ixrac istiqamətinə çevrilib. Ursula fon der Lyayen mənə bildirdi ki, Ermənistanın kənd təsərrüfatı məhsulları Aİ-yə rüsumsuz ixrac olunacaq.”
Xatırladaq ki, Rusiya əvvəllər Ermənistandan mineral su, balıq, spirtli içkilər, meyvə-tərəvəz kimi məhsulların idxalını məhdudlaşdırmışdı.
