ABŞ Müdafiə Nazirliyi (Pentaqon) bir vaxtlar məxfi olan UNO (uçan naməlum obyekt) görüntüləri və məlumatlarının son partiyasını açıqlayıb.
Oxu.Az xəbər verir ki, bu barədə "The Independent" nəşri məlumat yayıb.
Materiallar toplusuna videolar, fotoşəkillər və şahid ifadələri daxildir.
2025-ci ilin iyul ayına aid bir videoda gecə səmasında hərəkət edən iki qırmızı kürə görünür. Pentaqon bildirir ki, hadisənin şahidi avtomobilini park edərkən evinin həyətində güclü, parlaq işıq görüb.
Qeyd edilir ki, bu, Prezident Donald Trampın əmri ilə məxfilikdən çıxarılan UNO sənədlərinin son hissəsidir. Genişmiqyaslı layihədə Ağ Ev, Milli Kəşfiyyat Direktoru İdarəsi, Energetika Nazirliyi, FTB və NASA iştirak edib.
Xatırladaq ki, Tramp aprel ayında UNO məlumatlarını açıqlamaq niyyətini bəyan etmişdi. O, naməlum obyektləri müşahidə edən hərbi pilotlarla da danışdığını və onların "inanılmaz şeylər" gördüklərini söyləmişdi.
