ABŞ rəsmilərinin əlində qəzaya uğramış gəmilərdən əldə edilən dörd fərqli yadplanetli növünə aid qalıqlar var.
"Fox News", Mərkəzi Kəşfiyyat İdarəsi tərəfindən maliyyələşdirilən tədqiqatçı doktor Hel Patoffa istinadən xəbər yayıb. Patoff bildirib ki, qalıqların çıxarılmasında iştirak edənlər ən azı dörd fərqli növ olduğunu deyiblər. O, tapıntılara birbaşa çıxışının olmadığını, lakin mütəxəssislərə etibar etdiyini vurğulayıb.
Patoffun həmkarı doktor Erik Devisə görə, bunlar "nordiklər", "bozlar", "insektoidlər" və "reptiloidlər"dir. Nordiklər insanlara bənzəyir, bozlar böyük gözlü və tüksüzdür, insektoidlər dəvədəlləyini xatırladır, reptiloidlər isə pullu və quyruqlu kərtənkələlərə bənzəyir.
Bu iddialar Prezident Donald Trampın təşəbbüsü ilə Pentaqonun məlumat açıqlama proqramı çərçivəsində ikinci sənəd paketini yayımlaması ilə üst-üstə düşür.
