ABŞ Müdafiə Nazirliyinin (Pentaqon) Vaşinqtondakı binasında təhlükəli maddələrlə bağlı insident yaşanıb. Bir neçə mərtəbə və dəhliz təcrid edilib, digər hissələrdə isə təxliyə tədbirləri həyata keçirilir.
CNN-in məlumatına görə, insident üç məlumatlı mənbə və yerli yanğından mühafizə xidmətinə istinadən yayılıb. Binada havanın keyfiyyəti ilə bağlı problem aşkarlanıb.
Pentaqonun rəsmi nümayəndəsi Şon Parnell bildirib ki, ehtiyat tədbirləri görülüb. Çevik reaksiya qrupları hadisə yerindədir. Yanğın-xilasetmə xidməti təhlükəli materiallarla iş üzrə xüsusi qrupun fəaliyyət göstərdiyini təsdiqləyib.
Mənbələrə görə, ikinci mərtəbədən beşinci mərtəbəyədək olan sahə bloklanıb. Polis əməkdaşları əleyhqaz və kimyəvi mühafizə geyimləri ilə təchiz olunub.
